İQTİSADİYYAT


Azərbaycanda “Qlobal sahibkarlıq həftəsi” qeyd olunacaq

Bakı, 16 noyabr, AZƏRTAC 

Dünyada hər il noyabr ayının üçüncü həftəsi “Qlobal sahibkarlıq həftəsi” kimi qeyd olunur. Azərbaycan Sahibkarlar (İşəgötürənlər) Təşkilatları Milli Konfederasiyası (ASK) bu münasibətlə silsilə tədbirlər keçirəcək.

ASK-dan AZƏRTAC-a bildirilib ki, noyabrın 17-də “Biznes Assosiasiyalarının fəaliyyətinin gücləndirilməsi” mövzusunda onlayn forum təşkil olunacaq. Həmin gün region nümayəndələri ilə “Regionlarda sosial iqtisadi inkişafın yeni dövrü” mövzusunda onlayn formatda dəyirmi masa da keçiriləcək.

Bundan başqa qadın sahibkarlar üçün noyabrın 19-da “Böhranın yaratdığı fürsətlərin dəyərləndirilməsi” mövzusunda onlayn dəyirmi masa təşkil ediləcək.

“Nə? Harada? Nə zaman?” intellektual yarışması isə noyabrın 20-də baş tutacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.