SİYASƏT


Azərbaycanın parlament nümayəndə heyəti TBMM-in sədri ilə görüşüb

Ankara, 9 iyun, AZƏRTAC

Türkiyə Böyük Millət Məclisinin (TBMM) sədri Mustafa Şəntop Ankarada səfərdə olan Milli Məclisin Azərbaycan-Türkiyə parlamentlərarası əlaqələr üzrə işçi qrupunun rəhbəri Əhliman Əmiraslanovun başçılıq etdiyi və işçi qrupun üzvləri Eldar İbrahimov, Məlahət İbrahimqızı, Fazil Mustafa, Eldar Quliyev, Ramin Məmmədov, Ağalar Vəliyev, Səttar Möhbalıyevin daxil olduğu nümayəndə heyəti ilə görüşüb.

AZƏRTAC xəbər verir ki, görüşdə Azərbaycan-Türkiyə dostluq və qardaşlıq əlaqələri, münasibətlərimizin inkişafında parlamentlərarası əlaqələrin rolu barədə səmərəli fikir mübadiləsi aparılıb. Parlamentlərarası əlaqələrin daha da genişləndirilməsinin vacibliyi vurğulanıb.

Görüşdə Azərbaycanın qazandığı Zəfər yüksək qiymətləndirilib.

Qeyd edək ki, Milli Məclisin nümayəndə heyətinin Türkiyəyə səfəri iyunun 11-də başa çatacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.