ELM VƏ TƏHSİL


Azərbaycanlı alim ABŞ-da tədqiqat aparıb

Bakı, 7 mart, AZƏRTAC

Azərbaycan Milli Elmlər Akademiyası Genetik Ehtiyatlar İnstitutunun virusologiya qrupunun rəhbəri, biologiya üzrə fəlsəfə doktoru Eldar Mustafayev 6 ay müddətində ABŞ-da elmi ezamiyyətdə olub.

İnstitutdan AZƏRTAC-a bildirilib ki, Eldar Mustafayev ABŞ-ın Azərbaycandakı səfirliyinin 2018-2019-cu il üçün elan etdiyi “Fulbright” elmi-tədqiqat proqramının qalibi olub və Nyu-Yorkda yerləşən Kornell Universitetində tədqiqat aparıb.

“Azərbaycanda üzüm və meyvə bitkilərində yayılmış virus populyasiyalarının xarakteristikası və genetik müxtəlifliyi” mövzusunda tədqiqat işi dünya şöhrətli alim, professor Mark Fuksun rəhbərliyi altında yerinə yetirilib. İşin əsas məqsədi meyvə və üzüm bağlarında yayılmış virus mənşəli xəstəlikləri dərindən tədqiq etməklə, bağları xəstəliyin mənfi təsirindən qorumaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.