“Azəriqaz” Yevlax sahibkarlarının problemini dinləyəcək

Bakı, 23 noyabr, AZƏRTAC

“Azəriqaz” İB-nin “Açıq mikrofon” aksiyası bu dəfə Yevlax rayonunda təşkil olunacaq.

İB-dən AZƏRTAC-a bildirilib ki, “Azəriqaz”ın rəhbər şəxsləri Yevlax rayonu, Heydər Əliyev prospektində (Yevlax Rayon İcra Hakimiyyətinin yanı) baş tutacaq aksiyada sahibkarları maraqlandıran sualları cavablandıracaqlar. Səyyar qəbul otağı noyabrın 25-də saat 11:00-dan 13:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək. “Azəriqaz” ölkədə sahibkarlığın inkişafı üçün üzərinə düşən vəzifələrin icrasına daim diqqətlə yanaşır.