BAKI ŞƏHƏR İCRA HAKİMİYYƏTİ VƏ BAKI ŞƏHƏR DÖVLƏT YOL POLİSİ İDARƏSİ BƏZİ KÜÇƏLƏRDƏ NƏQLİYYATIN HƏRƏKƏT SXEMİNDƏ DƏYİŞİKLİK ETMİŞLƏR

Bakı Şəhər İcra Hakimiyyəti və Bakı Şəhər Dövlət Yol Polisi İdarəsi əhalinin nəzərinə çatdırır ki, 2003-cü il iyulun 10-dan etibarən Atəşgah (keçmiş Komsomol) dairəsindən Sabunçu rayonunun Elşən Mehdiyev və Yavər Əliyev (keçmiş Gürcüstan) küçələri ilə nəqliyyatın ikitərəfli hərəkəti təşkil edilmişdir. Bakı Şəhər İcra Hakimiyyətindən AZƏRTAC-a bildirmişlər ki, bununla əlaqədar, Böyükşor və Aeroport şossesinin Atəşgah (keçmiş Komsomol) və Əzizbəyov (metro) dairələri istiqamətində iyulun 10-dan yük avtomaşınlarının və avtobusların hərəkəti qadağan edilir və onların hərəkətləri aşağıdakı sxemlər üzrə tənzimlənir: 1. Əzizbəyov (metro) dairəsindən Atəşgah (keçmiş Komsomol) dairəsinədək və ya əksinə hərəkət sxemi. 2. Əzizbəyov (metro) dairəsi - Bəşir Bünyadov küçəsi - Bakıxanov (keçmiş Razin) körpüsü - Yavər Əliyev (keçmiş Gürcüstan) küçəsi-Atəşgah (keçmiş Komsomol) dairəsi və əksinə hərəkət sxemi. 3. Əzizbəyov (metro) dairəsindən Sabunçu dairəsinə (Zabrat-Maştağa istiqaməti) kimi və əksinə hərəkət sxemi. Əzizbəyov (metro) dairəsi- Bəşir Bünyadov küçəsi-Bakıxanov körpüsü (keçmiş Razin) –Elşən Mehdiyev küçəsi-Sabunçu dairəsi-(Zabrat-Maştağa istiqaməti) və əksinə hərəkət sxemi. 4. Atəşgah (keçmiş Komsomol) dairəsindən Sabunçu dairəsinə (Zabrat-Maştağa istiqaməti) və əksinə hərəkət sxemi. 5. Atəşgah (keçmiş Komsomol) dairəsi-Yavər Əliyev (keçmiş Gürcüstan) küçəsi-Bakıxanov (keçmiş Razin) körpüsü-Elşən Mehdiyev küçəsi-Sabunçu dairəsi (Zabrat-Maştağa istiqaməti) və əksinə hərəkətləri təşkil edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.