BAKI-TBİLİSİ-CEYHAN BORU KƏMƏRİNİN 35 KİLOMETRİ ÇƏKİLMİŞDİR

AZƏRTAC-ın xüsusi müxbiri Tbilisidən xəbər verir ki, Bakı-Tbilisi-Ceyhan əsas ixrac boru kəmərinin Gürcüstanın Zalqa rayonu ərazisində ilk hissəsinin tikintisi intensiv gedir.

Gürcüstan Beynəlxalq Neft Korporasiyasından bildirmişlər ki, bu boru kəmərinin həmin ərazidə artıq 35 kilometri çəkilmişdir. Bundan əlavə, 10 kilometrlik hissə üçün borular gətirilmişdir. Ən çətin keçilən yerlərdə xəndəyin qazılmasında xüsusi texnologiya tətbiq olunur, çıxarılan torpaqdan isə Zalqa rayonundan keçən yolların təmiri üçün istifadə edilir. Bunun sayəsində artıq 45 kilometrdən çox yol təmir olunmuşdur.