ELM VƏ TƏHSİL


BDU-da onlayn seminar: canlı sistemlərdə stres zamanı yaranan maqnit xassələri və onların biotibdə tətbiqi

Bakı, 15 iyul, AZƏRTAC

İyulun 15-də Bakı Dövlət Universitetində (BDU) Biologiya fakültəsinin təşkilatçılığı ilə “Canlı sistemlərdə stres zamanı yaranan maqnit xassələri və onların biotibdə tətbiqi” mövzusunda onlayn elmi seminar keçirilib.

BDU-dan AZƏRTAC-a bildirilib ki, seminarda universitetin Elmi fəaliyyətin təşkili və innovasiyalar mərkəzinin direktoru Məmməd Rəcəbov sürətlə inkişaf edən dünyada informasiya-kommunikasiya texnologiyalarının üstünlükləri sayəsində onlayn platformada yeni bilik, təcrübə və imkanlar qazanmağın əhəmiyyətindən danışıb.

Tədbirin moderatoru, Biologiya fakültəsinin dekan müavini Səbinə Ömərova keçirilən distant seminarların, ustad dərslərinin elmi-tədqiqat işlərinin onlayn formada davam etməsinə mühüm töhfə verdiyini bildirib.

Sonra Biologiya fakültəsinin professoru Rövşən Xəlilov “Canlı sistemlərdə stres zamanı yaranan maqnit xassələri və onların biotibdə tətbiqi” mövzusunda təqdimatla çıxış edib. Təqdimatda canlı və cansız təbiətdə rast gəlinən nanohissəciklər, stres amili və onun yaranma səbəbləri, ekosistem anlayışı, Abşeron yarımadasının bitki növlərində aparılan təcrübələr və əldə olunan nəticələr, fototənəffüs, EPR siqnalları, maqnit nanohissəciklər, dünyada bu istiqamətdə aparılan elmi tədqiqatlar haqqında ətraflı məlumat verilib.

“Microsoft Teams” platforması üzərindən təşkil olunmuş elmi seminar çoxsaylı sualların cavablandırılması ilə yekunlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.