ELM VƏ TƏHSİL


BDU-nun Biologiya fakültəsinin tələbələri “AZecolab Company” şirkətində təcrübə keçirlər

Bakı, 29 iyul, AZƏRTAC

Bakı Dövlət Universitetinin (BDU) Biologiya fakültəsinin III kurs tələbələri Sevinc Allahverdiyeva və Elşən Əliyev “AZecolab Company” şirkətində yay təlim-təcrübə proqramında iştirak edirlər.

Bu barədə AZƏRTAC-a BDU-dan məlumat verilib.

BDU ilə “AZecolab Company” şirkəti arasında imzalanmış ikitərəfli sazişlər çərçivəsində tələbələrin mütəmadi olaraq tədqiqat və təcrübi işlərə cəlb edilməsi əsas prioritet istiqamət sayılır. Qeyd olunan istehsalat təcrübəsi zamanı tələbələrə mikrobiologiya və ekotoksikologiya sahəsində təcrübi vərdişlər aşılanır, bu sahələr üzrə tədris təşkil edilir. Təcrübə proqramı dövründə tələbələr yeni avadanlıqlardan istifadə edərək müasir metodların tətbiqi ilə ekspres testlərlə analizlər aparırlar. Müəssisənin mütəxəssisləri tələbələri gündəlik texniki-təhlükəsizlik qaydaları və ekoloji monitorinqlərin aparılması barədə təlimatlandırır.

Təcrübə proqramının 2 ay müddətində davam etdirilməsi nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.