RƏSMİ SƏNƏDLƏR
BELARUS RESPUBLİKASININ PREZİDENTİ ZATİ-ALİLƏRİ CƏNAB ALEKSANDR LUKAŞENKOYA
Hörmətli Aleksandr Qriqoryeviç,
Belarus Respublikasının dövlət bayramı – Müstəqillik günü münasibətilə Sizi ürəkdən təbrik edirəm.
Əminəm ki, xalqlarımız arasındakı ənənəvi dostluq münasibətlərinin inkişafı Azərbaycan ilə Belarus arasında qarşılıqlı surətdə faydalı əməkdaşlığın daha da dərinləşməsinə, regionda sülhün və sabitliyin təmin olunmasına bundan sonra da kömək edəcəkdir.
Hörmətli Aleksandr Qriqoryeviç, Sizə möhkəm cansağlığı, səadət və dövləti fəaliyyətinizdə uğurlar, Belarus xalqına sülh, firavanlıq və tərəqqi arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 29 iyun 2002-ci il.