İDMAN


“Bakı-2021”: Kişilər arasında batut üzərində sinxron tullanış yarışlarında finalçılar müəyyənləşib

Bakı, 19 noyabr, AZƏRTAC

Bakıda batut gimnastikası üzrə dünya çempionatı davam edir.

AZƏRTAC xəbər verir ki, kişilər arasında batut üzərində sinxron tullanış yarışlarında finalçılar müəyyənləşib.

Noyabrın 20-də təşkil olunacaq həlledici mərhələdə Andery Builov, Oleq Rabtsov (hər ikisi Belarus), Fabian Vogel, Mattias Pfleiderer (Almaniya), Coşua Farux, Pyer Qouzou (Fransa), Ruben Tavares, Lukas Santos (Portuqaliya), Mixail Melnik, Kirill Penteleev (Rusiya Gimnastika Federasiyası), Rayan Dutra, Rafael Nadrade (Braziliya), Kodi Qesuelli, Ruben Padilla (ABŞ), Hiroto Unno və Ryusei Nişioka (Yaponiya) mübarizə aparacaqlar.

Noyabrın 21-dək davam edəcək dünya çempionatında 33 ölkədən 300-dək gimnast iştirak edir. Çempionatda gimnastlar batut üzərində fərdi və sinxron tullanışlar, tamblinq və ikili minibatut üzrə proqramlarda mübarizə aparacaqlar. Bundan əlavə, komanda çoxnövçülüyü, eləcə də hər proqram üzrə komanda hesabında qaliblər müəyyənləşəcək.

Yarışların ilk iki günündə təsnifat, son iki günündə isə finallar keçiriləcək. Qaydalara əsasən, hər iştirakçı bir neçə proqramda çıxış edə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.