ELM VƏ TƏHSİL


Bakı Dövlət Universiteti professorunun məqaləsi yüksək impakt faktorlu jurnalda dərc olunub

Bakı, 19 noyabr, AZƏRTAC

Bakı Dövlət Universitetinin (BDU) Biologiya fakültəsinin professoru, Biofizika və biokimya kafedrasının müdiri vəzifəsini icra edən Rövşən Xəlilovun həmmüəllifi olduğu “Antibakterial aktivliyin və hüceyrələrin canlılığının təhlili üçün sidik cövhəri (AgNPs/Ur-PMO) əsaslı dövri mezoporoz silisiumda Ag nanohissəciklərinin biosintezi” sərlövhəli məqalə beynəlxalq jurnalda (“Journal of Colloid and Interface Science”) dərc olunub.

BDU-dan AZƏRTAC-a bildirilib ki, məqalədə AgNPs/Ur-PMO birləşmələrinin nisbətən yaxşı antibakterial təsirlərə malik olması göstərilib. Müəyyən edilib ki, bu birləşmələrin tibbi müəssisələrdə - xəstəxana şəraitində istifadəsi infeksiyaları azaltmaqla yanaşı, antibiotiklərə davamlı bakteriyaların miqdarı xarakteristikasını zəiflədə bilər.

Qeyd edək ki, “Journal of Colloid and Interface Science” nəşrinin impakt faktoru 7.489-dur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.