ELM VƏ TƏHSİL


Bakı Dövlət Universitetində onlayn dəyirmi masa: Heydər Əliyev və azərbaycançılıq ideologiyası

Bakı, 26 noyabr, AZƏRTAC

Bakı Dövlət Universitetində (BDU) Tarix və Beynəlxalq münasibətlər və iqtisadiyyat fakültələrinin təşkilatçılığı ilə “Heydər Əliyev və azərbaycançılıq ideologiyası” mövzusunda onlayn dəyirmi masa keçirilib.

BDU-dan AZƏRTAC-a bildirilib ki, Tarix fakültəsinin dekan müavini Bəxtiyar Nəbiyev dövlətçilik ənənələrimizin bərpasında ümummilli lider Heydər Əliyevin əvəzsiz xidmətləri olduğunu diqqətə çatdırıb. O, Ulu Öndərin dövlətçilik konsepsiyasının müasir Azərbaycanın yüksəlişinə verdiyi töhfələrdən danışıb.

Beynəlxalq münasibətlər və iqtisadiyyat fakültəsinin dekan müavini Kənan Vəkilov “Heydər Əliyev və azərbaycançılıq məfkurəsinin ideoloji əsasları” mövzusunda məruzə ilə çıxış edib. Məruzədə Azərbaycan dövlətçilik tarixi, iqtisadiyyat, xarici siyasət və digər sahələrdə Heydər Əliyev kursu və ona istiqamətlənmiş çağdaş addımlar, ölkə vətəndaşları və xaricdə yaşayan həmvətənlərimizin vahid ideya ətrafında birləşməsi haqqında məlumatlar əksini tapıb.

Tarix fakültəsinin müəllimi Anar Həmidov “Heydər Əliyev: müasir Azərbaycanın qurucusu”, Beynəlxalq münasibətlər və iqtisadiyyat fakültəsinin tələbəsi İbrahim Baxşıyev “Azərbaycan milli kimliyinin hamisi - Heydər Əliyev” mövzusunda təqdimatla çıxış ediblər. Bildirilib ki, müasir Azərbaycan dövlətinin qurulması və inkişaf etdirilməsi, azərbaycançılıq məfkurəsinin, milli-mənəvi dəyərlərimizin qorunması və təbliği, Azərbaycan dilinin azərbaycançılıq ideologiyasının komponenti olması, ölkəmizin iqtisadi tərəqqisi və digər sahələrdə həyata keçirilən uğurlu layihələrin təməli məhz ulu öndər Heydər Əliyev tərəfindən qoyulub.

Onlayn tədbirdə, həmçinin Tarix fakültəsinin müəllimi Elnur Əbilov və fakültə Tələbə Həmkarlar İttifaqı Komitəsinin sədri Əli Babazadə azərbaycançılıq ideologiyasının tarixi, əhəmiyyəti və ulu öndər Heydər Əliyevin misilsiz xidmətlərindən ətraflı bəhs ediblər.

“Microsoft Teams” platforması üzərindən baş tutan tədbirə 300-ə yaxın iştirakçı qoşulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.