CƏMİYYƏT


Bakıda “Az avtomobil, çox həyat” devizi altında veloyürüş keçirilir

Bakı, 7 oktyabr, AZƏRTAC 

Oktyabrın 7-də Bakıda Ekologiya və Təbii Sərvətlər Nazirliyinin təşəbbüsü, Dövlət Təhlükəsizliyi Xidmətinin, IDEA İctimai Birliyinin, BMT-nin İnkişaf Proqramının Azərbaycandakı nümayəndəliyinin, Təhsil Nazirliyi Respublika Uşaq-Gənclər İnkişaf Mərkəzinin, Azərbaycan Velosiped İdmanı Federasiyasının, Daxili İşlər Nazirliyi, Səhiyyə Nazirliyi, Respublika Olimpiya Velosiped Məktəbinin və “Isma Bike”ın iştirakı ilə “Az avtomobil, çox həyat” devizi altında veloyürüş keçirilir.

AZƏRTAC xəbər verir ki, Ekologiya və Təbii Sərvətlər Nazirliyinin ekoloji maarifləndirmə və ictimaiyyətlə əlaqələr şöbəsinin müdiri Umayra Tağıyeva veloyürüşün keçirilməsində məqsədin İqlim Dəyişmələri üzrə Çərçivə Konvensiyasına dair Paris Razılaşmasından irəli gələn öhdəliyin yerinə yetirilməsinə diqqət çəkmək, istilik effekti yaradan qazların azaldılmasına töhfə vermək və avtomobilsiz istirahət günü ənənəsini təbliğ etmək olduğunu deyib.

Sonra U.Tağıyeva və Velosiped İdman Federasiyasının nümayəndəsi veloyürüş iştirakçılarına təhlükəsizlik qaydalarını izah ediblər.

Veloyürüş Azneft meydanından start götürüb və Heydər Əliyev Mərkəzinədək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.