REGİONLAR


Bakılı məktəbli: Ümummilli liderimiz Heydər Əliyevin doğulub boya-başa çatdığı qədim Naxçıvanda olmaq məni çox sevindirdi

Naxçıvan, 17 mart, AZƏRTAC

“Ölkəmizi tanıyaq” devizi ilə keçirilən maarifləndirici tur-aksiya çərçivəsində ümummilli liderimiz Heydər Əliyevin doğulub boya-başa çatdığı qədim Naxçıvan diyarında olmaq məni çox sevindirdi.

Bu sözləri AZƏRTAC-ın Naxçıvan bürosuna müsahibəsində Səbail rayonundakı Həbib bəy Mahmudbəyov adına 2 saylı texniki-humanitar liseyin 9-cu sinif şagirdi Humay Ağayeva deyib.

“Naxçıvandakı muzeylər, tarixi abidələr və təhsil ocaqları ilə tanışlıq məndə və məktəbli yoldaşlarımda xoş təəssüratlar oyadıb”, – deyən Humay Ağayeva qeyd edib ki, ekskursiyalar zamanı məktəblilər çox dəyərli məlumatlar əldə ediblər.

Humay Ağayeva, həmçinin bildirib: “Naxçıvanın gözəlliyini, buradakı səliqə-sahmanı və insanların qonaqpərvərliyini gördükdən sonra, gələcəkdə də bu diyara məmnuniyyətlə bir daha səfər etmək fikrindəyəm. Məktəblilərə bu imkanı yaratdığı üçün təşkilatçılara minnətdarlığımı bildirirəm”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.