Bakı, 12 dekabr (AZƏRTAC). Bank “MBA-Moskva” bankı Prestige Club private banking müştəriləri üçün Multi Family Office (Prestige Club MFO) adlı yeni sahə açmışdır.

Azərbaycan Beynəlxalq Bankından AZƏRTAC-a bildirmişlər ki, Multi-Family Office ailə kapitalının gələcək nəsillər üçün saxlanılması və artırılması məqsədi daşıyan, imkanlı müştərilərin maddi və qeyri-maddi aktivlərinin idarə olunmasını təmin edən çoxistiqamətli sistemdir. “Bank “MBA-MOSKVA” Prestige Club MFO çərçivəsində private banking müştərilərinə aktivlərin idarə edilməsi, konsaltinq, immiqrasiya xidmətləri, vergi planlaşdırılması, alternativ investisiyalar və digər sahələr üzrə xidmətlər təklif edir.