İDMAN


Baş məşqçi: Məqsədim Şirvan şəhərində həndbol idman növünü inkişaf etdirməkdir

Bakı, 20 iyun, Həsrət Mahmudova, AZƏRTAC

Həndbol idman növü ilə 1999-cu ildən məşğul oluruq. Həm yeniyetmələr, həm də böyüklər arasında yüksək nailiyyətlərimiz var. İdmançılarım respublika yarışlarında yaxşı nəticələr göstərib və mükafatlandırılıblar.

Bu sözləri AZƏRTAC-a açıqlamasında 16 nömrəli məktəbin fiziki tərbiyə müəllimi, həndbol idman növü üzrə baş məşqçi Əvəzağa Qarayev deyib.

Əməkdar bədən tərbiyəsi və idman xadimi olan Əvəzağa Qarayevin yetirmələri 2005-2006-cı ildə birinci liqada kişilər arasında respublika çempionu adını qazanıb. 2008-2009-cu illərdə yenə də kişilər arasında yeniyetmə və böyük komandalarda yüksək nəticələr əldə edib.

Şirvan şəhərində həndbol idman növünü inkişaf etdirməyi qarşısına məqsəd qoyduğunu bildirən Əvəzağa Qarayev deyib: “Azərbaycan Həndbol Federasiyası bizi topla, forma ilə təmin edib. İstəyirik ki, gələcəkdə qızlardan və oğlanlardan ibarət yığma komanda təşkil edib, Azərbaycan çempionatına qatılaq və yüksək yerlər uğrunda mübarizə aparaq”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.