DÜNYA


Belçika yenidən karantinə bağlana bilər

Budapeşt, 6 avqust, AZƏRTAC

Bir neçə gündür ki, Belçika epidemioloqları ölkədə koronavirusun ikinci dalğasının başlanması əlamətlərindən danışırlar.

AZƏRTAC xəbər verir ki, Belçikalı Həkimlər Birliyi “ölkədə koronavirusun ikinci dalğasının başlanmasına” əmindir.

Virusoloqların sözlərinə görə, çox ehtimal ki, xəstəliyin ikinci dalğası 2020-ci ilin mart-aprel aylarında bu ölkəni bürümüş birinci dalğa qədər güclü olmayacaq. İndi belçikalı həkimlər və ölkənin xəstəxanaları koronavirusa qarşı mübarizəyə hazırdırlar. Onlar bütün zəruri vasitələrlə təmin edilib. Həkimlər bildirirlər ki, xəstəxanalarda çarpayı çatışmazlığı olmayacaq. Bununla bərabər, ölkənin yenidən karantinə bağlanacağı istisna olunmur. Doğrudur, hələlik bu barədə danışmaq tezdir, lakin ekspertlər xəbərdarlıq edirlər ki, buna hazır olmaq lazımdır.

Pərvanə Qarayeva

AZƏRTAC-ın xüsusi müxbiri

Budapeşt 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.