ELM VƏ TƏHSİL


Bir gündə 650 min ağac əkilməsi təşəbbüsünə İlahiyyat İnstitutu da qoşulub

Bakı, 7 noyabr, AZƏRTAC 

Azərbaycan Respublikasının Birinci vitse-prezidenti Mehriban Əliyevanın mütəfəkkir şair İmadəddin Nəsiminin 650 illik yubileyi münasibətilə respublikamızda bir gündə 650 min ağac əkilməsi təşəbbüsünə İlahiyyat İnstitutunun kollektivi də qoşulub.

İnstitutdan AZƏRTAC-a bildirilib ki, ali təhsil müəssisəsinin rəhbər heyəti, əməkdaşları və tələbələri bu təşəbbüsə qoşulmaq üçün Yasamal Rayon İcra Hakimiyyətinə müraciət ediblər. Rayonun ərazisində institut üçün ərazi ayrılması barədə razılıq əldə olunub. Hazırda bununla bağlı institutda hazırlıq işləri davam edir.

Prezident İlham Əliyevin Sərəncamına əsasən, mütəfəkkir şair İmadəddin Nəsiminin 650 illik yubileyi ilə əlaqədar 2019-cu il respublikamızda “Nəsimi ili” elan edilib. Bununla əlaqədar olaraq ölkəmizdə müxtəlif tədbirlər keçirilir. Birinci vitse-prezident Mehriban Əliyevanın bir gündə 650 min ağac əkilməsi ilə bağlı təşəbbüsü böyük sənətkarın adının əbədiləşdirilməsi, beynəlxalq aləmdə təbliği, Azərbaycanın ədəbi və mədəni irsinin tanıdılması baxımından xüsusi əhəmiyyət daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.