DÜNYA


Birləşmiş Ərəb Əmirlikləri pul köçürmələrinin həcminə görə dünya ölkələrinin ilk beşliyinə düşüb

Abu-Dabi, 22 avqust, AZƏRTAC

“KhaleejTimes” nəşrinin “Guardian Wealth Management” maliyyə şirkətinə istinadla yaydığı məlumata görə, orta hesabla bir ekspat (əcnəbi işçi) ildə vətəninə 6 min dirhəm (1,63 min ABŞ dollar) göndərir.

AZƏRTAC xəbər verir ki, ekspatların Birləşmiş Ərəb Əmirliklərindən (BƏƏ) öz ölkələrinə göndərdikləri pulun ümumi məbləği 20 milyard dollardan çoxdur. Dünya Bankının məlumatına görə, BƏƏ pul köçürmələrinin həcminə görə dördüncü ölkə hesab edilir. Məcmu axın BƏƏ-də ÜDM-in 4,8 faizini təşkil edir.

“UAE Exchange” şirkətinin rəhbəri Sudxir Kumar Şettinin fikrincə, Fars körfəzi regionunda pul köçürmələri hər halda rəqabətlidir və dəyişmə məntəqələri köçürülən məbləğin faizi üzrə deyil, transaksiyaya görə müəyyən edilmiş ödəniş alır.

“Lulu International Exchange” şirkətinin idarəçi direktoru Adib Ahamed də təsdiq edib ki, region pul köçürmələri baxımından ən əlverişli yer olaraq qalmaqdadır.

Asya Hacızadə

AZƏRTAC-ın xüsusi müxbiri

Abu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.