MƏDƏNİYYƏT


Bu gündən Birləşmiş Ərəb Əmirliklərində “Əli və Nino” filminin nümayişinə başlanılıb

Əbu-Dabi, 14 sentyabr, AZƏRTAC

Bu gündən etibarən Birləşmiş Ərəb Əmirliklərinin (BƏƏ) Əbu-Dabi, Dubay və Əl-Əyn şəhərlərində Cine Royale və Vox kinoteatr şəbəkələrində “Əli və Nino” filminin nümayişinə başlanılıb. Film ingilis dilində nümayiş etdirilir, ərəb dilində subtitrlərlə müşayiət olunur.

Layihənin rəhbəri və icraçı prodüseri Heydər Əliyev Fondunun vitse-prezidenti Leyla Əliyeva, prodüseri Kris Tikyer, rejissoru “BAFTA” mükafatı sahibi Asif Kapadia, ssenari müəllifi isə “Akademy Award” mükafatı laureatı Kristofer Hemptondur.

Azərbaycanın BƏƏ-dəki səfiri Daşqın Şikarov və səfirliyin əməkdaşları filmin premyerasını Əbu-Dabidə izləyiblər.

“Əli və Nino” filmi tamaşaçılar tərəfindən böyük maraqla qarşılanıb.

Filmin BƏƏ-də nümayişi şübhəsiz ki, artıq məşhur turistik ölkə kimi tanınan Azərbaycanın bu ölkədə daha çox təbliğinə xidmət edəcək.

Yazıçı Qurban Səidin dünya bestselleri olan eyniadlı romanı əsasında ekranlaşdırılan “Əli və Nino” Azərbaycanın müstəqillik uğrunda mübarizəsi və XX əsrin əvvəlində Azərbaycanın Rusiya tərəfindən işğal edilməsi fonunda müxtəlif dinlərə etiqad edən iki gəncin sevgisindən bəhs edir.

Film bu ayın sonunadək nümayiş etdiriləcək.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.