RƏSMİ SƏNƏDLƏR
C.Ə.İ. HACIYEVİN XATİRƏSİNİN ƏBƏDİLƏŞDİRİLMƏSİ HAQQINDA
AZƏRBAYCAN RESPUBLİKASI PREZİDENTİNİN SƏRƏNCAMI
Azərbaycan musiqi sənətinin görkəmli nümayəndəsi, böyük bəstəkar, xalq artisti Cövdət Əhməd İsmayıl oğlu Hacıyevin xatirəsini əbədiləşdirmək məqsədilə qərara alıram:
1.Bakı Şəhər İcra Hakimiyyətinə tapşırılsın ki:
-Cövdət Hacıyevin Fəxri Xiyabanda qəbirüstü abidəsinin ucaldılmasını təmin etsin;
-Cövdət Hacıyevin Bakı şəhərində yaşadığı binaya (Xaqani küçəsi, 19/13) xatirə lövhəsinin vurulmasını təmin etsin.
2.Azərbaycan Respublikasının Mədəniyyət Nazirliyi Bakıdakı musiqi məktəblərindən birinə Cövdət Hacıyevin adını versin.
İlham Əliyev,
Azərbaycan Respublikasının Prezidenti.
Bakı şəhəri, 18 fevral 2004-cü il.