CƏNUBİ QAFQAZ REGİONAL QADIN KOALİSİYASININ NÖVBƏTİ GÖRÜŞÜ KEÇİRİLƏCƏKDİR

BMT-nin Qadınlar üçün İnkişaf Fondunun “Qadınlar Gənubi Qafqazda münaqişələrin qarşısının alınması və sülh yaradılması uğrunda” layihəsi çərçivəsində fəaliyyət göstərən “Qadınlar sülh naminə” Cənubi Qafqaz Regional Qadın Koalisiyasının növbəti görüşü sentyabr ayında Tbilisidə keçiriləcəkdir.

Layihənin milli əlaqələndiricisi Gülşən Paşayeva müxbirimizə bildirmişdir ki, tədbirdə Cənubi Qafqazda münaqişələrin həllində, sülhün yaradılmasında və inkişaf məsələlərində qadınların rolunu genişləndirmək üçün təkliflər irəli sürüləcəkdir. Cənubi Qafqaz ərazisində münaqişə və münaqişədən sonra qadınların ümumi fəaliyyəti üçün vahid platforma yaranacaq, üç aylıq fəaliyyət planı qəbul olunacaqdır.