DÜNYA


Çexiya və Polşa hökumətlərinin başçıları Karlovı Varıda görüşəcəklər

Praqa, 4 iyul, AZƏRTAC

Çexiyanın Baş naziri Andrey Babiş iyulun 6-da Karlovı Varıda polşalı həmkarı Mateuş Moravetski ilə görüşəcək. AZƏRTAC xəbər verir ki, görüşdə ikitərəfli ticarətin inkişafı imkanları və Avropa üçün aktual məsələlər müzakirə ediləcək.

Sonra hökumət başçıları Sofiyaya uçacaqlar. İyulun 6-7-də burada Mərkəzi və Şərqi Avropanın 16 dövləti və Çin Xalq Respublikası (ÇXR) nümayəndələri arasında ÇXR-in Avropada investisiya layihələrinin perspektivlərinə həsr olunmuş danışıqlar aparılacaq.

A.Babiş və M.Moravetski nəqliyyat infrastrukturu sahəsində Çexiya-Polşa layihələrindən, Aİ və Vışeqrad dördlüyü (V4=Polşa, Çexiya, Slovakiya və Macarıstan) çərçivəsində əməkdaşlıqdan danışacaqlar. Baş nazirlər Karlovı Varıda Çexiya və Polşa sahibkarları ilə görüşəcəklər.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.