DÜNYA


Çində leysan yağışları səbəbindən 77 min nəfər təxliyə edilib

Bakı, 10 iyul, AZƏRTAC

Çinin Çjeszyan, Tszyansi, Hunan, Sıçuan, Quyçjou əyalətlərində, həmçinin Çunsin şəhərində və Quansi-Çjuan muxtar rayonunda leysan yağışları səbəbindən 77 min nəfər təxliyə edilib.

AZƏRTAC “People's Daily” qəzetinə istinadla xəbər verir ki, bu barədə ÇXR Fövqəladə Hallar Nazirliyi məlumat yayıb.

Leysan yağışları 1,6 milyon sakinin normal həyatını pozub, 77 min nəfər isə təxliyə edilib. Bundan əlavə, 1,6 min ev dağılıb, 7,9 min bina isə zədələnib. Təbii fəlakətin ölkəyə vurduğu zərər 2,69 milyard yuan (təxminən 390,66 milyon dollar) həcmində qiymətləndirilir.

Meteoroloqların məlumatına əsasən, iyulun 10-da Quyçjou, Quansi, Hunan, Tszyansi, Çjeszyan və Fuszyan əyalətlərində leysan yağışları davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.