İDMAN


Çövkən oyunu üzrə Şuşa kuboku turnirinin qalibləri mükafatlandırılıb VİDEO

Bakı, 6 avqust, AZƏRTAC

Azərbaycan Respublikası Atçılıq Federasiyasının (ARAF) təşkilatçılığı ilə çövkən milli atüstü oyunu üzrə Şuşa kuboku turnirinin qalibləri mükafatlandırılıb.

AZƏRTAC xəbər verir ki, Binə Atçılıq Mərkəzində təşkil edilən yarışın qalibinə, eləcə də ikinci və üçüncü yerin sahibinə kubok və medalları ARAF-ın prezidenti Elçin Quliyev təqdim edib.

Xatırladaq ki, final mərhələsində “Buta Qolden” və “Polad” komandaları birincilik uğrunda mübarizə aparıblar. Gərgin idman mübarizəsi şəraitində keçən qarşılaşmada “Polad” komandası rəqibini 2:1 hesabı ilə məğlub edib.

Qeyd edək ki, Şuşa kubokunda üçüncü yer uğrunda görüşdə isə “Sərhədçi Dilbaz” komandası rəqibindən 5:0 hesabi üstün olub.

Turnirdə 6 komanda kubok və medallar uğrunda mübarizə aparıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.