Dəniz limanlarında 3 milyon ton yükləmə-boşaltma işləri həyata keçirilib

Bakı, 22 may, AZƏRTAC

Cari ilin yanvar-aprel aylarında dəniz limanlarında 3 milyon 95,2 min ton həcmində yükləmə-boşaltma işləri həyata keçirilib.

Dövlət Statistika Komitəsindən AZƏRTAC-a bildirilib ki, yüklərin 2 milyon 957,4 min tonunu və ya 95,5 faizini tranzit yüklər təşkil edib. Mayın 1-nə limanlarda qalan yüklərin həcmi 79,5 min ton olub.

Dörd ayda dəniz nəqliyyatı ilə daşınmış sərnişinlərin sayı isə ötən ilin müvafiq dövrünə nisbətən 5,5 faiz artaraq 5,8 min nəfər təşkil edib.