DÜNYA


Donald Tramp KXDR-lə danışıqları davam etdirməyə hazırdır

Bakı, 7 mart, AZƏRTAC

ABŞ Prezidenti Donald Tramp KXDR-lə nüvəsizləşdirmə barədə danışıqları davam etdirməyə hazırdır.

AZƏRTAC xəbər verir ki, bunu ABŞ prezidentinin milli təhlükəsizlik məsələləri üzrə müşaviri Con Bolton Fox News telekanalına müsahibəsində bildirib.

“ABŞ prezidenti yenidən cəhd etməyə hazırdır. Biz baxaq görək ki, bunu cədvələ necə daxil edə bilərik və bundan nə çıxa bilər”, - Bolton belə deyib.

Xatırladaq ki, fevralın 27-28-də Vyetnamın Hanoy şəhərində keçirilən ikinci ABŞ-KXDR sammitinin gedişində, həmçinin nüvəsizləşdirmə məsələsi də müzakirə olunub. Ekspertlərin əksəriyyəti Koreya müharibəsinin sona çatması barədə birgə formal bəyanat qəbul ediləcəyini gözləsə də, Donald Tramp və Kim Çen In arasında danışıqlar hər hansı sənəd imzalanmadan sona çatıb. Buna baxmayaraq, ABŞ Prezidenti sammitdə irəliləyişə nail olunduğunu və danışıqların ekspertlər səviyyəsində davam edəcəyini deyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.