ELM VƏ TƏHSİL


Dövlət Bayrağı Günü ilə bağlı bədii kompozisiya təqdim olunub

Bakı, 7 noyabr, AZƏRTAC

Noyabrın 7-də Azərbaycan Dövlət Pedaqoji Universitetinin (ADPU) Davamlı təhsil və innovasiyalar şöbəsinin təşkilatçılığı ilə 9 noyabr-Dövlət Bayrağı Gününə həsr olunmuş tədbir keçirilib.

ADPU-dan AZƏRTAC-a bildirilib ki, elm və innovasiyalar üzrə prorektor Asəf Zamanov tədbir iştirakçılarını qarşıdan gələn əlamətdar bayram münasibətilə təbrik edib. O bildirib ki, xalqımız Dövlət Bayrağı Gününü böyük ruh yüksəkliyi və dərin vətənpərvərlik hissi ilə qeyd edir. Həm ölkə səviyyəsində, həm də universitetdə silsilə tədbirlər keçirilir.

Sonra Davamlı təhsil və innovasiyalar şöbəsinin müdiri, siyasi elmlər üzrə fəlsəfə doktoru Rəşad Sadıqov çıxış edərək bildirib ki, illər ötdükcə dövlət bayrağına münasibətin daha da güclənməsinin əsas səbəblərindən biri məhz ölkə rəhbərliyi səviyyəsində bayrağımıza olan böyük ehtiramla bağlıdır.

Tədbirdə yenidənhazırlanma və təkrar ali təhsil üzrə müdavimlərin iştirakı ilə bədii kompozisiya interaktiv dərs modeli üzərində təqdim olunub.

Tələbələrin ifasında bayrağımızın tarixi haqqında məlumat verilib və müxtəlif şerlər səsləndirilib.

Sonda loqopediya və defektologiyanın nəzəri-praktik əsasları üzrə təlim kursunu müvəffəqiyyətlə başa vurmuş müdavimlərə sertifikatlar təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.