ELM VƏ TƏHSİL


Dünya Ətraf Mühit Günü münasibətilə Dendrologiya İnstitutunda ağac-kol bitkiləri əkilib

Bakı, 5 iyun, AZƏRTAC

İyunun 5-də Hindistanın ölkəmizdəki səfirliyi və Azərbaycan Milli Elmlər Akademiyası (AMEA) Dendrologiya İnstitutunun birgə təşəbbüsü ilə bu elmi müəssisənin ərazisində növbəti ağacəkmə və yaşıllaşdırma aksiyası keçirilib.

İnstitutdan AZƏRTAC-a bildirilib ki, aksiyada Hindistanın Azərbaycandakı səfiri Sanjay Ranan, Dendrologiya İnstitutunun direktoru, AMEA-nın müxbir üzvü Tofiq Məmmədov, səfirliyin əməkdaşları, Bakıdakı hind icması və Azərbaycan Dillər Universitetinin tələbələri iştirak ediblər. Aksiya zamanı ağac-kol bitkiləri əkilərək suvarılıb. Həmçinin parkın ərazisindəki ağaclara aqrotexniki qaydada qulluq göstərilib.

5 iyun - Dünya Ətraf Mühit Günü münasibətilə keçirilən aksiya ekoloji mühitin mühafizəsi, biomüxtəlifliyin qorunması istiqamətində çox mühüm əhəmiyyətə malikdir. Bu layihə ekoloji tarazlığının bərpasına, ekoloji mühitin sağlamlaşdırılmasına, eləcə də insanlar arasında ekoloji mədəniyyətin və təbiətə qayğı hissinin güclənməsinə böyük töhfədir.

Dendrologiya İnstitutunda ağacəkmə aksiyalarının davamlı olaraq keçirilməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.