CƏMİYYƏT


Dünyada koronavirusa yoluxanların sayı 540 milyonu ötüb

Bakı, 28 iyun, AZƏRTAC

Dünyada koronavirusa yoluxmaların təsdiqlənmiş sayı 540 milyonu, virus nəticəsində ölüm hallarının sayı isə 6,32 milyonu ötüb.

AZƏRTAC bu barədə Ümumdünya Səhiyyə Təşkilatına (ÜST) istinadla xəbər verir.

Təşkilatın statistikası yoluxanlar və ölənlər barədə yalnız dövlətlər tərəfindən təqdim olunan rəsmi təsdiqlənmiş məlumatları nəzərə alır. 500 milyon yoluxma həddi aprelin 14-də, 400 milyon – fevralın 10-da, 300 milyon – yanvarın 8-də, 200 milyon yoluxma həddi isə ötən il avqustun 5-də keçilib.

ÜST-yə daxil olan məlumatlar arasında ən çox təsdiqlənmiş hallar ABŞ-da (85.673.420) qeydə alınıb. Sonrakı yerlərdə Hindistan (43.407.046), Braziliya (31.890.733), Fransa (29.495.945) və Almaniya (27.771.911) gəlir. COVID-19 virusu nəticəsində ən çox ölüm halları ABŞ-da qeydə alınıb: 1.005.025 nəfər. Bu göstərici üzrə ikinci yerdə Braziliya (669.530), üçüncü yerdə Hindistandır (525.020). Sonrakı yerləri Rusiya (380.943) və Meksika (325.487) tutur.

Hazırkı dövrədək Azərbaycanda koronavirusa 793 min 176 yoluxma, koronavirusla bağlı 9 min 717 ölüm faktı qeydə alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.