İDMAN


“EYOF 2019”: İrlandiyalı atlet Raşidat Adeleke qızlar arasında 200 metr məsafəyə qaçış yarışı üzrə çempion olub

Bakı, 25 iyul, AZƏRTAC

İyulun 25-də "EYOF 2019"un atletika yarışlarının dördüncü günündə oğlanlar və qızlar arasında 200 metr məsafəyə qaçış üzrə qaliblər müəyyənləşib.

AZƏRTAC xəbər verir ki, qızların 200 metr məsafəyə qaçışında irlandiyalı Raşidat Adeleke fəxri kürsünün ən yüksək pilləsinə qalxıb. Macarıstanlı Mira Koszegi gümüş, fransalı Serena Kousi isə bürünc medala sahib olub.

Oğlanlar arasında 200 metr məsafəyə qaçış yarışında İtaliya təmsilçisi Federiko Cuqlielmi çempion adını qazanıb. Danimarkalı Tarzana Kamanqa-Dirbak ikinci, polşalı Oliver Vdovik üçüncü yerdə qərarlaşıblar.

Xatırladaq ki, bu, Raşidat Adelekenin festivalda ikinci medalıdır. O, yarışların ikinci günündə 100 metr məsafəyə qaçış yarışında ilk qızıl medalını qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.