DÜNYA


“ExxonMobil” azalan neft tələbatı fonunda iş yerlərinin ixtisarı barədə xəbərdarlıq edib

Bakı, 24 oktyabr, AZƏRTAC

“ExxonMobil” baş icraçı direktoru Darren Woods azalan neft tələbatı fonunda iş yerlərinin ixtisar olunma ehtimalı barədə xəbərdarlıq edib.

AZƏRTAC xəbər verir ki, o, aşağı neft tələbatının 2008-ci il maliyyə böhranında müşahidə olunan azalmanın təxminən 5 qatını təşkil etdiyini deyib: “Vəziyyət müvəqqəti olsa da, bazarın bərpa tempi qeyri-müəyyən olaraq qalır”.

Baş icraçı direktor pandemiyanın neft sənayesində görünməmiş təsiri səbəbindən iş yerlərinin ixtisarı ehtimalı barədə xəbərdarlıq edib: “Bunlar çətin anlardır. Sərt qərarlar veririk, bu, bəzi dostlar və həmkarların şirkətdən ayrılması ilə nəticələnəcək”.

“ExxonMobil” qlobal neft tələbatının ildə 0,6 faiz, təbii qaza olan tələbatın isə 1,3 faiz artacağını gözləyir. Buna görə də hasilatın tükənmə dərəcələri nəzərə alınmaqla yeni neft istehsalının ildə təxminən 8 faiz, təbii qazın isə 6 faiz artması lazımdır.

Beynəlxalq Enerji Agentliyinin (IEA) 2040-cı ilədək 12 və ya 17 trilyon dollar arasında əlavə sənaye investisiyalarına ehtiyac yaranacağını proqnozlaşdırdığını xatırladan D.Woods hər hansı tələbat ssenarisində tükənmənin əhəmiyyətli investisiyalara ehtiyacı dəstəklədiyini vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.