CƏMİYYƏT


FHN Dövlət Yanğın Nəzarəti Xidməti Mərkəzi Elmi Kitabxanada seminar-məşğələ keçirib

Bakı, 3 oktyabr, AZƏRTAC 

Fövqəladə Hallar Nazirliyinin (FHN) Dövlət Yanğın Nəzarəti Xidməti (DYNX) sentyabrın 3-də Azərbaycan Milli Elmlər Akademiyasının (AMEA) müraciəti əsasında akademiyanın Mərkəzi Elmi Kitabxanasında seminar-məşğələ keçirib.

FHN-dən AZƏRTAC-a bildiriblər ki, tədbirdə AMEA əməkdaşlarına Fövqəladə Hallar Nazirliyinin, o cümlədən DYNX-nin fəaliyyəti, yanğın təhlükəsizliyinə dair qanunvericilik barədə məlumat verilib, onların sualları cavablandırılıb.

Tədbirdə, həmçinin ilkin odsöndürmə vasitələri, həmin vasitələrin istismarı və tətbiqi qaydalarından söz açılıb.

Xidmət əməkdaşları iştirakçılara FHN tərəfindən hazırlanmış “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və “İnzibati binaların yanğın təhlükəsizliyi” adlı yaddaş kitabçası paylayıblar.

Sonda AMEA Rəyasət Heyətinin məsul işçisi seminar-məşğələnin iştirakçıları adından FHN rəhbərliyinə minnətdarlığını bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.