CƏMİYYƏT


Gənclər və idman naziri Azərbaycanın aşkenazi yəhudilərinin baş ravvini ilə görüşüb

Bakı, 6 avqust, AZƏRTAC

Gənclər və idman naziri Fərid Qayıbov Azərbaycanın aşkenazi yəhudilərinin baş ravvini Şneor Seqalla görüşüb.

Gənclər və İdman Nazirliyinin mətbuat xidmətindən AZƏRTAC-a bildiriblər ki, görüş zamanı mövcud və gələcək əməkdaşlıq məsələləri müzakirə olunub. Qəbula görə təşəkkür edən baş ravvin rəhbərlik etdiyi icmanın dövlət qurumları ilə əməkdaşlıqda maraqlı olduğunu vurğulayıb.

Nazir, həmçinin Türkiyədə yaşayan pianoçu, Əməkdar artist Turan Manafzadə, mədəniyyət, sənət və media üzrə jurnalist Süleyman Dincer və Türk Dünyasının Mədəniyyət Paytaxtı 2022-nin baş koordinatoru Fətullah Bingüllə də görüşüb. Görüşdə Turan Manafzadə öz yaradıcılığı və gələcək layihələri barədə məlumat verib. Fərid Qayıbov T.Manafzadəyə fəaliyyətində uğurlar arzulayıb.

Qeyd edək ki, T.Manafzadə Şuşada keçirilən Diaspor Gənclərinin III Yay Düşərgəsində konsert proqramı ilə çıxış etmək üçün Azərbaycanda səfərdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.