CƏMİYYƏT
Gömrük nəzarətindən gizlədilən mobil telefonların ölkəyə gətirilməsi cəhdinin qarşısı alınıb VİDEO
Bakı, 13 noyabr, AZƏRTAC
Gömrük nəzarətindən gizlədilən mobil telefonların ölkəyə gətirilməsi cəhdinin qarşısı alınıb.
Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olmuş məlumat əsasında, idarənin “Qırmızı Körpü” gömrük postunda Gürcüstandan gələn, Azərbaycan vətəndaşına məxsus “VAZ 211440” markalı avtomobil saxlanılıb.
Sorğu-sual zamanı vətəndaş üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Lakin yoxlama zamanı avtomobilin salonunda - sağ ön oturacağın ayaqaltında düzəldilmiş xüsusi saxlanc yerində 20 ədəd üzərində “X-inova”, 17 ədəd “Kgtel” və 24 ədəd üzərində “Fuua” yazılmış mobil telefon aşkarlanıb.
Faktla bağla araşdırma aparılır.