REGİONLAR


Göyçayda baş verən yol qəzasında 6 nəfər xəsarət alıb VİDEO

Göyçay, 21 fevral, Rəşad Türkoğlu, AZƏRTAC

Göyçayda 6 nəfərin xəsarət alması ilə nəticələnən yol qəzası baş verib.

AZƏRTAC xəbər verir ki, hadisə günorta saatlarında Bakı-Şamaxı-Yevlax avtomobil yolunun 200 kilometrliyində, rayonun Qarayazı kənd ərazisində qeydə alınıb. Göyçay rayon Bəydövül kənd sakini idarə etdiyi minik maşını ilə Göyçaydan Qaraməryəm istiqamətində hərəkətdə olarkən idarəetməni itirib və nəticədə maşın yol kənarında olan su kanalına aşıb. Qəza nəticəsində yararsız hala düşmüş maşında sürücü ilə bərabər 6 nəfər sərnişin də müxtəlif dərəcəli bədən xəsarətləri alıb. Yaralılar dərhal təcili tibbi yardım avtomobili ilə Göyçay rayon mərkəzi xəstəxanasına aparılıb.

Qeyd edək ki yaralıların ikisi azyaşlı uşaqdır.

Faktla bağlı Yol polisi tərəfindən araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.