DÜNYA


Güclü yağışlar nəticəsində Cakarta növbəti dəfə su altında qalıb

Tokio, 22 fevral, AZƏRTAC

İndoneziyanın paytaxtı Cakarta şəhərinin xeyli sayda rayonu leysan yağışlarına görə növbəti dəfə su altında qalıb.

AZƏRTAC İndoneziya Təbii Fəlakətlərin Qarşısının alınması Agentliyinə istinadla xəbər verir ki, leysan yağışları nəticəsində paytaxtın təqribən 40 rayonunun sakinləri evlərini tərk etmək məcburiyyətində qalıblar. Cakartanın şərqində yerləşən Kramat Cati rayonunun daha çox su altında qaldığı bildirilir. Burada suyun səviyyəsinin 80 santimetr qalxdığı qeyd edilir.

Meteoroloqlar şəhərdə daşqınların martadək davam edəcəyi barədə xəbərdarlıq yayıblar.

Qeyd edək ki, Yeni il ərəfəsində İndoneziyada son 12 ilin ən güclü yağışları müşahidə edilib. Təbii fəlakət nəticəsində 67 nəfər həlak olub, 10 minlərlə sakin təxliyə edilib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.