İDMAN


Güləşçimiz Şərif Şərifov Avropa çempionu olub

Bakı, 10 aprel, AZƏRTAC

Azərbaycanın sərbəst güləşçisi Şərif Şərifov Rumıniyanın paytaxtı Buxarestdə keçirilən Avropa çempionatının qalibi olub.

AZƏRTAC xəbər verir ki, çempionatda 92 kiloqram çəki dərəcəsində çıxış edən Olimpiya çempionumuz mübarizəyə 1/4 finaldan başlayıb. Ş.Şərifov Rusiya nümayəndəsini üstələyərək yarımfinala yüksəlib. Gürcüstan pəhləvanına da öz gücünü göstərən təmsilçimiz ardıcıl ikinci, ümumilikdə üçüncü dəfə qitə birinciliyinin finalına yüksəlib. Həlledici görüşdə polşalı rəqibini məğlub edən Ş.Şərifov üçüncü dəfə Avropa çempionu olub.

Bir gün əvvəl Hacı Əliyev (65 kq), Cəbrayıl Həsənov (79 kq) qızıl, Ağahüseyn Mustafayev (70 kq) gümüş, Mahir Əmiraslanov (57 kq) və Nurməhəmməd Hacıyev (97 kq) bürünc medal qazanıblar.

Qeyd edək ki, sərbəst güləş üzrə Azərbaycan millisi Avropa çempionatını 3 qızıl, 1 gümüş və 2 bürünc medalla başa vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.