DÜNYA


Gürcüstan Milli Bankının beynəlxalq ehtiyatları 445,7 milyon dollar azalıb

Tbilisi, 17 may, AZƏRTAC

Gürcüstan Milli Bankının beynəlxalq valyuta ehtiyatları 445,7 milyon ABŞ dolları azalıb.

AZƏRTAC xəbər verir ki, bu barədə Milli Bankın saytında məlumat yerləşdirilib. Bildirilir ki, 2022-ci il aprelin 30-na olan vəziyyətə görə, Gürcüstan Milli Bankının beynəlxalq valyuta ehtiyatları 3 milyard 826,4 milyon dollar təşkil edib. İlin əvvəlindən aprelin 30-dək bankın valyuta ehtiyatları 445,7 milyon dollar və ya 5,7 faiz azalıb. Bankın valyuta ehtiyatları 2021-ci ildə ən yüksək həddə çataraq 4 milyard 272,1 milyon dollar olub. Həmin il valyuta ehtiyatları 361,3 milyon dollar artıb.

Analitiklərin fikrincə, Milli Bankın valyuta ehtiyatlarının həcminin azalması Gürcüstan hökuməti və banklarının valyuta əməliyyatları, eləcə də valyutanın dəyişməsi ilə bağlı aktivlərin yenidən qiymətləndirilməsi ilə bağlıdır.

Qeyd olunur ki, bankın xarici valyutada olan ehtiyatlarının ümumi həcmi 3,3 milyard dollardır.

Gürcüstan Milli Bankının qiymətli metal–qızıl ehtiyatları yoxdur.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.