DÜNYA


Gürcüstanda daha bir nazir və müavini koronavirusa yoluxub

Tbilisi, 1 dekabr, AZƏRTAC

Gürcüstanda daha bir nazir və onun müavini COVID-19 virusuna yoluxub.

AZƏRTAC xəbər verir ki, ölkənin maliyyə naziri İvane Maçavariani və onun müavini Siorgi Kakauridzenin koronavirusa yoluxması təsdiqlənib.

Maliyyə Nazirliyindən bildirilib ki, nazir özünü yaxşı hiss edir və işini distant rejimdə davam etdirir.

Nazir müavini Giorgi Kakauridze də ev şəraitində müalicə olunur.

Qeyd edək ki, bu, Gürcüstanda koronavirusa yoluxan 4-cü nazirdir.

Bundan əvvəl Gürcüstanın Baş naziri Giorgi Qaxaria, iqtisadiyyat naziri Natiya Turnva və ətraf mühitin mühafizəsi və kənd təsərrüfatı naziri Levan Davitaşvili koronavirusa yoluxmuşdu.

Təhsil naziri Mixeil Çxenkeli isə yoluxma şübhəsi ilə özünü təcrid etmişdi.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.