DÜNYA


Gürcüstanda fövqəladə vəziyyət rejimi və komendant saatı başa çatıb

Tbilisi, 23 may, AZƏRTAC

Mayın 23-dən etibarən Gürcüstanda fövqəladə vəziyyət rejimi və komendant saatı başa çatıb.

AZƏRTAC xəbər verir ki, bununla yanaşı, bir sıra məhdudiyyət və qadağalar hələ bir müddət qüvvədə saxlanılacaq.

Belə ki, Gürcüstanda restoran, kafe və barlarda yerində xidmət, mehmanxanalar, iri ticarət mərkəzləri, geyim və ayaqqabı mağazaları, idman və mədəniyyət obyektlərinin fəaliyyətinə tətbiq olunan məhdudiyyətlər davam edəcək. İctimai nəqliyyatın işi bərpa olunmayacaq, toy və digər bu kimi izdihamlı tədbirlərə icazə verilməyəcək.

Qapalı məkanlarda tibbi maska taxmaq, sosial məsafə saxlamaq mütləqdir.

Bununla yanaşı, Bolnisi rayonunun azərbaycanlılar yaşayan Muşevani (Dəllər) və Geta (Aşağı Güləver) kəndləri və Tetritskaro rayonunda sərt karantin rejimi davam etdiriləcək.

Gürcüstan hökuməti iyulun 15-dək müəyyən məhdudiyyətləri ölkədə fövqəladə vəziyyət elan etmədən tətbiq etmək səlahiyyətinə malik olacaq.

Qeyd edək ki, Gürcüstanda martın 21-də aprelin 21-dək elan edilən fövqəladə vəziyyətin müddəti əvvəlcə mayın 10-dək, sonra isə mayın 22-dək uzadılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.