RƏSMİ SƏNƏDLƏR
Gürcüstanın sabiq Baş nazir müavini, sabiq xarici işlər naziri Eka Tkeşelaşvilidən
Azərbaycan Respublikasının Prezidenti Zati-aliləri cənab İlham Əliyevə
Zati-aliləri.
Doğum gününüz münasibətilə Sizi böyük məmnuniyyətlə təbrik edirəm. Öz ölkənizə ləyaqətlə xidmət etməyiniz, dünyada sülhün, sabitliyin və tərəqqinin möhkəmlənməsi, mədəni irsin qorunub saxlanılması və ətraf mühitin mühafizəsi fəaliyyətində liderliyiniz bizim hamımız üçün ilham mənbəyidir.
Nizami Gəncəvi Beynəlxalq Mərkəzinə göstərdiyiniz davamlı dəstək bu təşkilatın təşəbbüslərinin beynəlxalq səviyyədə yayılmasında, eləcə də Azərbaycanın dünyanın liderləri arasında aktual qlobal çağırışlarla bağlı strateji müzakirələrin aparılması üçün koordinasiya mərkəzi kimi çıxış etməsində həlledici rol oynayır.
Sizə möhkəm cansağlığı, işlərinizdə uğurlar, ölkənizə isə sülh və rifah arzulayıram.
Hörmətlə,
Eka Tkeşelaşvili
Gürcüstanın sabiq Baş nazir müavini, sabiq xarici işlər naziri (2010-2012),
Nizami Gəncəvi Beynəlxalq Mərkəzinin Qəyyumlar Şurasının üzvü.