DÜNYA


Hindistanda elektrik stansiyasında baş verən yanğında 9 nəfər ölüb

Pekin, 21 avqust, AZƏRTAC

Hindistanın cənubundakı Telanqana ştatında su elektrik stansiyasında baş verən yanğın nəticəsində azı 9 nəfər ölüb.

AZƏRTAC Hindistan KİV-lərinə istinadla xəbər verir ki, Srisaylam şəhərində baş verən qəza zamanı 3-ü ağır olmaqla, 8 nəfər də yaralanıb. Hadisə baş verərkən stansiyada 30 nəfərin olduğu güman edilirdi. Amma sonradan aparılan dəqiqləşmə ilə bu rəqəmin 17 olduğu açıqlanıb. Yaralılar yanğını söndürməyə və iş yoldaşlarını xilas etməyə cəhd göstəriblər. Amma bu, nəticəsiz olub.

İlkin ehtimala əsasən, yanğın elektrik panellərində qısaqapanma nəticəsində əmələ gəlib.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.