RƏSMİ SƏNƏDLƏR
İSLANDİYA RESPUBLİKASININ PREZİDENTİ ZATİ-ALİLƏRİ CƏNAB OLAVUR RAQNAR QRİMSSONA
Hörmətli cənab Prezident,
İslandiya Respublikasının milli bayramı – Respublika elan edilməsi günü münasibətilə Sizi və bütün İslandiya xalqını səmimi qəlbdən təbrik edirəm.
İnanıram ki, ölkələrimiz arasında hərtərəfli əməkdaşlıq üçün zəmin yaradan dostluq əlaqələrimiz ildən-ilə genişlənəcəkdir.
Sizə möhkəm cansağlığı, işlərinizdə uğurlar, dost İslandiya xalqına əmin-amanlıq və çiçəklənmə arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 10 iyun 2002-ci il