ELM VƏ TƏHSİL


İlahiyyat İnstitutunun kafedra müdiri beynəlxalq elmi konfransda çıxış edib

Bakı, 13 oktyabr, AZƏRTAC

Azərbaycan İlahiyyat İnstitutu (Aİİ) Dillər və ictimai fənlər kafedrasının müdiri dosent İlkin Əlimuradov Əlcəzair Xalq Demokratik Respublikasının Biskərə, Vəhran 1, Sidi Bilabbas universitetləri və Səudiyyə Ərəbistanı Krallığı Virtual Ədəbiyyat Məclisinin təşkilatçılığı ilə “Kombinativ praqmatika və onun ərəb dilinin tədrisində tətbiqi” mövzusunda onlayn formatda keçirilən beynəlxalq elmi konfransda çıxış edib.

Bu barədə AZƏRTAC-a institutdan məlumat verilib. Bildirilib ki, konfransda dosent İ.Əlimuradov “Azərbaycanda ərəb dilinin tədrisi: Azərbaycan İlahiyyat İnstitutunun nümunəsində” mövzusunda məruzə ilə çıxış edib. O, ərəb dilinin beynəlxalq dil, İslamın ana dili olması ilə yanaşı, milli irsimizi, xüsusilə orta əsrlərdən başlayan tarixini araşdırmaqda mühüm əhəmiyyət kəsb etdiyini vurğulayıb.

Məruzəçi ölkəmizdə müxtəlif orta və ali təhsil müəssisələrində ərəb dilinin tədrisi ilə bağlı əldə olunan nailiyyət və təcrübələrdən bəhs edib. İ.Əlimuradov konfrans iştirakçılarının diqqətini ərəb dilinin dini elmlərin, xüsusilə də İslam ilahiyyatının öyrənilməsindəki müstəsna roluna yönəldib, Azərbaycan İlahiyyat İnstitutunda bu dilin tədrisinə xüsusi əhəmiyyət verildiyini bildirib.

Kafedra müdiri, eyni zamanda, Azərbaycan İlahiyyat İnstitutu və onun uğurlu fəaliyyəti haqqında ətraflı məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.