DÜNYA


İndoneziyada G20 ölkələri maliyyə nazirlərinin görüşü keçirilir

Tokio, 12 oktyabr, AZƏRTAC

Böyük iyirmiliyin maliyyə nazirləri və mərkəzi banklarının nümayəndələri İndoneziyada ikigünlük görüşə toplaşıblar.

AZƏRTAC xəbər verir ki, görüş iştirakçıları səhmlərin kütləvi satışı fonunda dünya iqtisadiyyatı qarşısında getdikcə artmaqda olan təhlükədən narahatlıqlarını bildiriblər.

Görüşün ilk günündə iştirakçılar iqtisadi inkişafın qarşısını alan faktorlara yanaşma yollarını müzakirə ediblər.

İştirakçılar, eyni zamanda, sürətlə inkişaf edən iqtisadiyyatlardan maliyyə vəsaitlərinin axınının dünya bazarlarına dağıdıcı təsir göstərə biləcəyindən də narahatlıqlarını ifadə ediblər.

Yaponiyanın maliyyə naziri Taro Aso qeyd edib ki, ticari münasibətlərdə baş verən fikir ayrılıqları ciddi təhlükə yaradır. T.Aso deyib: “Ticari münasibətlərdə artan fikir ayrılıqlarının qlobal iqtisadiyyata göstərəcəyi güclü təsir məni narahat edir. Proteksionizm heç bir ölkəyə xeyir gətirməyəcək”.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.