ELM VƏ TƏHSİL


“İnklüziya mədəniyyətinin formalaşdırılması” məqsədilə müəllimlərlə görüşlər keçirilib

Bakı, 9 sentyabr, AZƏRTAC

Təhsil İnstitutu Təhsil Nazirliyi və BMT-nin Uşaq Fondu (UNICEF) ilə birgə həyata keçirdiyi “İnklüziv sinif təşkil edilən ümumi təhsil müəssisələrinin şəbəkəsinin genişləndirilməsi” layihəsi çərçivəsində tədbirləri davam etdirir.

Təhsil Nazirliyindən AZƏRTAC-a bildirilib ki, layihə çərçivəsində növbəti görüşlər seçilmiş məktəblərin pedaqoji heyətləri ilə “İnklüziya mədəniyyətinin formalaşdırılması” mövzusunda keçirilib. Görüşlərdə 296 nəfər iştirak edib.

Görüş zamanı inklüzivlik, inklüziv təhsilin mahiyyəti, onun əhəmiyyəti və hüquqi bazası, o cümlədən əlilliyin tibbi və sosial modeli, əlilliklə bağlı düzgün terminologiya haqqında məlumat verilib, həmçinin inklüziv təhsillə bağlı məktəb heyətinin rolu müzakirə edilib.

Növbəti mərhələdə “İnklüziya mədəniyyətinin formalaşdırılması” məqsədilə şagirdlər və onların valideynləri ilə görüşlərin də keçirilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.