İDMAN


İradə Aşumova: “Minsk 2019”da və “Tokio 2020”yə lisenziya xarakterli yarışlarda atıcılarımızdan yaxşı nəticələr gözləyirik

Bakı, 4 yanvar, AZƏRTAC

Yanvarın 23-27-də Münxendə güllə atıcılığı üzrə beynəlxalq turnir keçiriləcək. Turnirdə yığma komandanın üzvü Ruslan Lunyov 10 metr məsafəyə atəş açma yarışında ölkəmizi təmsil edəcək.

Bu sözləri AZƏRTAC-a güllə atıcılığı üzrə yığma komandanın baş məşqçisi, Afina Yay Olimpiya Oyunlarının bürünc mükafatçısı İradə Aşumova deyib.

O qeyd edib ki, bu turnirdə həm də silahlara nəzarət məqsədilə onların təmizlənməsi, yağlanması və uyğun güllələrin seçilməsi həyata keçiriləcək. “Uyğun güllələri ancaq yarışlarda istifadə edirik. Ümumiyyətlə, yarışlarda istifadə etdiyimiz silahların və güllələrin vəziyyəti böyük əhəmiyyət kəsb edir. Bu il yığmamız üçün ciddi sınaq illərindən biridir. Yığmanın üzvlərindən Ruslan Lunyovun və stend atıcılığı üzrə Emin Cəfərovun ikinci Avropa Oyunlarında iştirakları artıq dəqiqləşib. Yığmamızın digər üzvlərinin də “Minsk-2019”da iştirakı məsələsinə bu günlərdə aydınlıq gələcək. Fevralda isə Nyu-Dehlidə “Tokio 2020”yə lisenziya xarakterli dünya kubokunun mərhələ yarışları keçiriləcək. İkinci Avropa Oyunlarında və Tokio Olimpiadasına lisenziya xarakterli yarışlarda atıcılarımızdan yaxşı nəticələr gözləyirik”, - deyə İ.Aşumova bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.