DÜNYA


İran və Almaniya liderləri arasında telefon danışığı olub

Tehran, 18 fevral, AZƏRTAC

Avropa dövlətləri İranın nüvə proqramı ilə əlaqədar əldə olunan razılaşmanı qoruyub saxlamaq istəyirsə, onda üzərinə düşən öhdəlikləri yerinə yetirməlidir.

AZƏRTAC xəbər verir ki, bu sözləri İran Prezidenti Həsən Ruhani Almaniya Kansleri Angela Merkellə telefon söhbətində deyib. H.Ruhani bildirib ki, 2015-ci ildə İranla Qərb dövlətləri arasında imzalanan müqavilə BMT Təhlükəsizlik Şurası tərəfindən tanınıb və təsdiq edilib. Bu səbəbdən də müqaviləyə yeni əlavələrin edilməsinə ehtiyac yoxdur.

H.Ruhani nəzərə çatdırıb ki, 2018-ci ildə ABŞ müqavilədən birtərəfli qaydada çıxdıqdan sonra Avropa dövlətləri də müqavilə üzrə götürdükləri öhdəlikləri yerinə yetirmədilər və İrana qarşı sanksiyalar daha da gücləndi. Əgər Avropa doğrudan da nüvə razılaşmasının qüvvədə qalmasını istəyirsə, praktiki addımlar atmalıdır.

İran Prezident bildirib ki, nüvə proqramı haqqında müqavilə imzalansa da, sanksiyalar aradan qaldırılmayıb və tərəflər öhdəliklərə əməl etmirlər. Belə olan halda, müqavilənin legitimliyi şübhə altına düşür.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.