DÜNYA


İranın Ali Rəhbərinin “Instagram” hesabı dondurulub

Tehran, 31 oktyabr, AZƏRTAC

“Instagram” sosial şəbəkəsi İran İslam İnqilabının Ali Rəhbəri Seyid Əli Xamneyinin fransız dilində xəbərlər yayımladığı hesabını bağlayıb.

AZƏRTAC xəbər verir ki, bu barədə məlumatı Ali Rəhbərin administrasiyası verib. Qeyd olunub ki, Ali Rəhbərin Fransa gənclərinə ünvanlandığı məktubdan sonra onun hesabı bağlanıb. Məqsəd isə ondan ibarətdir ki, məktubun mətni fransalı gənclər tərəfindən oxunmasın.

Qeyd edək ki, Fransada Məhəmməd Peyğəmbəri karikatura çəkməklə təhqir edən jurnalın əməkdaşlarını Prezident Emanuel Makron müdafiə edib. Fransa Prezidenti müsəlmanları separatçı, islam dininin isə böhran vəziyyətində olduğunu deyib. Bu çıxış dünya müsəlmanlarının etirazına səbəb olub.

Əli Xamneyi fransalı gənclərə müraciətində bildirib ki, müqəddəs şəxsləri təhqir etmək heç də söz azadlığı və demokratiyadan deyil, təxribat və fitnə-fəsaddan xəbər verir.

Rabil Kətanov

AZƏRTAC-ın xüsusi müxbiri

Tehran 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.